ജീസസ് യൂത്ത് ചിന്തകൾ (MJYR***)

 ജീസ്സസ്‌ യൂത്ത്‌ കൂട്ടായ്മകൾ  മാര്‍ഗ്ഗരേഖ പരിചയപ്പെടാം - 3 (By Dr. Edward Edezhath - Published in Kairos Malayalam in 2016) ജീസസ്‌ യൂത്ത്‌ മുന്നേറ്റത്തിന്‌ അഗോള കത്തോലിക്കാ സഭയുടെ ഔപചാരിക അംഗീകാരമായി എന്ന സന്തോഷ നിറവിന്റെ വാര്‍ത്തയാണ്‌. ഇപ്രകാരമുള്ള അംഗീകാരത്തിന്‌ ഒരുക്കമായി ഒരു മുന്നേറ്റത്തിന്റെ നിയമാവലിയാണ്‌ സഭാനേതൃത്വം പ്രധാനമായും പഠനവിഷയമാക്കുക. അതിനാല്‍ തന്നെ മുന്നേറ്റത്തിനു ലഭിച്ച കാനോനിക അംഗീകാരത്തിന്‌ ഈ സ്റ്റാറ്റ്യൂട്ടുകൾ ഏറ്റം പ്രധാന അടിസ്ഥാന രേഖയായി. തുടര്‍ന്നുള്ള സമയങ്ങളിൽ ഈ മാര്‍ഗ്ഗരേഖയോടുള്ള മുന്നേറ്റത്തിന്റെ വിശ്വസ്ഥത സഭ ശ്രദ്ധാപൂര്‍വ്വം അവലോകന വിഷയമാക്കും എന്നും നാം പ്രത്യേകം ഓര്‍ക്കണം. കഴിഞ്ഞ ലക്കങ്ങളില്‍ ജീസസ്‌ യൂത്ത്‌ മാര്‍ഗ്ഗരേഖയിലെ ചില പ്രധാന വിഷയങ്ങൾ ചര്‍ച്ചചെയ്തു. ഇപ്രാവശ്യം മുന്നേറ്റത്തിലെ സംഘടനാ ക്രമീകരണങ്ങളെക്കുറിച്ച്‌ പരാമര്‍ശിക്കുന്ന ഭാഗങ്ങള്‍ ശ്രദ്ധിക്കാം. ജീസസ്‌ യൂത്ത്‌ കൂട്ടായ്മകള്‍ എന്തിനാണ്‌ ജീസസ്‌ യൂത്തിലെ സംഘടനാ ക്രമീകരണങ്ങൾ? വ്യക്തിപരമായ ക്രിസ്താനുഭവത്തിലൂടെയാണല്ലോ ഒരു വ്യക്തിയുടെ ജീസസ്‌ യൂത്ത്‌ തീര്‍ത്ഥയാത്രയുടെ തുടക്കം. ഒരുക്കത്തോടെയുള്ള ജ...

ജീസസ് യൂത്ത് ആദ്ധ്യാത്മികത, അംഗത്വം   ജീസ്സസ്‌ യൂത്ത്‌ മാര്‍ഗ്ഗരേഖ പരിചയപ്പെടാം - 2 (By Dr. Edward Edezhath - Published in Kairos Malayalam in 2016) സഭയുടെ ഔപചാരിക ഭാഷയില്‍ ജീസ്സസ്‌ യൂത്ത്‌ മുന്നേറ്റം ഒരു സ്വകാര്യ സംഘടനയാണ്‌, മെത്രന്മാര്‍ ആരംഭകുറിച്ച ഒരു പൊതു സംഘടനയല്ല. ഇപ്രകാരം മുന്നേറ്റത്തിന്റെ പ്രത്യേകസ്വഭാവം വ്യക്തമാക്കിയാണ്‌ മുന്നേറ്റത്തിന്റെ സ്റ്റാറ്റ്യൂട്ട് ആരംഭിക്കുക. തുടര്‍ന്ന്‌ ലക്ഷ്യങ്ങള്‍ വിവരിക്കുന്നു. എല്ലാവരേയും, പ്രത്യേകിച്ച്‌ യുവജനങ്ങളെ ക്രിസ്തുവില്‍ നവീകൃതമായ ഒരു ജീവിതത്തിലേയ്ക്ക്‌ നയിക്കുക, അവരെ വിശുദ്ധിയിൽ വളരാന്‍ സഹായിക്കുക, സഭയുടെ ദൗത്യത്തോട്‌ ഒന്നു ചേര്‍ന്ന്‌ സുവീശേഷ പ്രവര്‍ത്തനത്തിന്‌ അവരെ സജ്ജരാക്കുക ഇതെല്ലാമാണ്‌ മുന്നേറ്റം ചെയ്യാന്‍ ശ്രമിക്കുക. ഈ ലക്ഷ്യങ്ങൾ എങ്ങനെയാണ്‌ ജീസ്സുസ്‌ യൂത്ത്‌ പ്രാവര്‍ത്തികമാക്കുക? വ്യക്തിപരവും കൂട്ടായ്മയിലുളളതുമായ പ്രേഷിത പ്രവര്‍ത്തനങ്ങൾ മുന്നേറ്റത്തിലുണ്ട്‌. ക്രൈസ്തവ കൂട്ടായ്മയിൽ ഒന്നിച്ചു വളര്‍ന്ന്‌ അനുദിന ജീവിതത്തില്‍ യേശുവിനെ പങ്കവയ്ക്കുനുള്ള നല്ല രൂപീകരണ വേദിയാണ്‌ ജീസ്സസ്‌ യൂത്ത്‌. ആറു സ്ഥായീഘടകങ്ങളില്‍ (സിക്സ്‌ പില്ലേ...

ജീസസ് യൂത്ത് എങ്ങനെയാണ് ഒരു പ്രൈവറ്റ് അസോസിയേഷൻ ആകുന്നത്?  ജീസ്സസ്‌ യൂത്ത്‌ മാര്‍ഗ്ഗരേഖ പരിചയപ്പെടാം - 1 (By Dr. Edward Edezhath - Published in Kairos Malayalam in 2016) സഭയിലായാലും പൊതുസമൂഹത്തിലായാലും ഒരു കൂട്ടം ആളുകള്‍ ഒന്നിച്ചു പ്രവര്‍ത്തിക്കാന്‍ തീരുമാനിച്ചാൽ അതിനു വ്യക്തമായ ലിഖിതരേഖ ഉണ്ടാകണം. അതിന്റെ ആവശ്യമെന്താണ്‌? മനുഷ്യനു മറവിയുണ്ട്‌ (പ്രാരംഭ ദര്‍ശനങ്ങള്‍ പിന്നീടു കൈവിട്ടുപോകും, പലരുണ്ടാകുമ്പോള്‍ ഏതിനേക്കുറിച്ചുമുള്ള വ്യഖ്യാനങ്ങള്‍ വ്യത്യസ്ഥമാകും, അതിലുമുപരി കാലം മുന്നോട്ടുപോകുമ്പോള്‍ അല്ലെങ്കിൽ ഒരു നാട്ടിൽനിന്ന്‌ മറ്റൊരുദിക്കിലെത്തുമ്പോള്‍ തുടര്‍ച്ച ഉറപ്പുവരുത്തണം. ഇതെല്ലാം മുന്നിൽ കണ്ടാണ്‌ സംഘടനകളിലും പ്രസ്ഥാനങ്ങളിലും എഴുതി അംഗീകരിക്കപ്പെട്ട സ്റ്റാറ്റ്യൂട്ട്, മാര്‍ഗ്ഗരേഖ അല്ലെങ്കില്‍ നിയമാവലി ഉണ്ടാകണം എന്ന്‌ നിര്‍ദ്ദേശിക്കപ്പെടുന്നത്‌. സഭയിലെ വിശ്വാസ പ്രമാണങ്ങളുടേയും കൽപ്പനകളുടേയും ചൈതന്യവും ഇതു തന്നെ. ജീസ്സസ്‌ യൂത്ത്‌ മുന്നേറ്റത്തില്‍ മാര്‍ഗ്ഗരേഖകള്‍ രൂപപ്പെട്ട വഴികള്‍ നാം ചര്‍ച്ചചെയ്തു. എന്നാല്‍ പൊതുവേ സ്റ്റാറ്റൂട്ടുകളില്‍ എന്തുള്ളടക്കമാണ്‌ പ്രതീക്ഷിക്കുന്നത്‌? നമ്മുടെ ...

 ജീസ്സസ്‌ യൂത്ത്‌ മാര്‍ഗ്ഗരേഖകള്‍, അവ രൂപംകൊണ്ട വഴികൾ (By Dr. Edward Edezhath - Published in Kairos Malayalam in 2016) മുന്നേറ്റത്തിന്റെ ഔചാരിക അംഗീകരത്തെക്കുറിച്ചാണ്‌ ഇതിന് മുൻപ്  ചര്‍ച്ചചെയ്തത്‌. സഭയിലാണെങ്കിലും പൊതു സമൂഹത്തിലാണെങ്കിലും ഇപ്രകാരമുള്ള അംഗീകരത്തിന്റെ ഏറ്റം പ്രധാന അടിസ്ഥാനരേഖ അതിന്റെ സ്റ്റാറ്റൂട്ട്‌ (നിയമാവലി) അല്ലെങ്കില്‍ മാര്‍ഗ്ഗരേഖയാണ്‌. ഇപ്രാവശ്യം നാം പരിശോധിക്കുക എങ്ങനെയാണ്‌ പടിപടിയായി ജീസ്സസ്‌ യൂത്ത്‌ മാര്‍ഗ്ഗരേഖ രൂപപ്പെട്ടത്‌ എന്നതാണ്‌. 1976 മുതല്‍ കേരളത്തില്‍ യുവജന നവീകരണ പരിപാടികളും കൂട്ടായ്മകളും സജീവമായി, അങ്ങനെ ആ വര്‍ഷം മുതൽ ഈ മുന്നേറ്റം ബീജാവാപം നടത്തി എന്നു കരുതാം. അടുത്ത രണ്ടു വര്‍ഷത്തിനുള്ളില്‍ കെഎസ്ടി (കേരള സേവന സമിതി) എന്ന പേരില്‍ നവീകരണ മുന്നേറ്റത്തിന്‌ നേതൃസംവിധാനം ഉണ്ടായതിനൊപ്പം യുവജന മുന്നേറ്റത്തിനും ഒരു ടീം ഉണ്ടായി. സ്വാഭാവികമായും കേരള സേവന സമിതിയുടെ കീഴിലും നിര്‍ദ്ദേശമനുസരിച്ചുമാണ്‌ യൂത്ത്‌ ടീം പ്രവര്‍ത്തിച്ചു വന്നത്‌. കേരള തല മാർഗ്ഗരേഖ  കെഎസ്‌ടിയിലാണ്‌ വിവിധ നവീകരണ പ്രവര്‍ത്തനങ്ങൾക്കുള്ള മാര്‍ഗ്ഗരേഖകളുടെ ആദ്യരൂപം ഉണ്ടായത്‌. ഓരോ സമയങ്...

 ജീസ്സസ്‌ യൂത്തിന്‌ സഭയുടെ അംഗീകാരമുണ്ടോ? മുന്നേറ്റത്തിന്‍റെ ഔപചാരിക അംഗീകാര വഴികൾ (By Dr. Edward Edezhath - Published in Kairos Malayalam in 2015) ജീസ്സസ്‌ യൂത്തിന്‌ സഭയുടെ അംഗീകാരമുണ്ടോ? പലപ്പോഴും കേൾക്കുന്ന ഒരു ചോദ്യം. മുന്നേറ്റത്തിലെ നേതൃത്വത്തിലുള്ളവര്‍, സഭാധികാരികള്‍ തുടങ്ങി പലരും അന്വേഷിക്കുന്ന കാര്യം. പൊതു സമൂഹത്തിലും ക്രിസ്തീയ മേഖലയിലും പലതരം പ്രസ്ഥാനങ്ങൾ ഉദയം ചെയ്യുകയും അവയില്‍ ചിലത്‌ പിന്നീട്‌ ഏറെ പ്രശ്‌നങ്ങൾ ഉണ്ടാക്കുകയും ചെയ്യുന്നത്‌ ഇന്ന്‌ സാധാരണം. അതുതന്നെ ഈ ചോദ്യത്തിന്റെ പ്രധാന കാരണവും. ഔപചാരിക അംഗീകാരം പൊതുസമൂഹത്തിലും സഭയിലും ഉണ്ട്‌. പൊതുസമൂഹത്തിലെ സ്വതന്ത്ര പ്രവര്‍ത്തനത്തിന്‌ സംഘടനയുടെ റെജിസ്ട്രേഷൻ വേണം. അതിനു ക്രമീകരണങ്ങളും സംവിധാനങ്ങളുമുണ്ട്‌. പക്ഷേ എങ്ങനെയാണ്‌ ഒരു പ്രസ്ഥാനത്തെ സഭ അംഗീകരിക്കുന്നത്‌? സഭയുടെ കാനോന നിയമത്തിലാണ്‌ അതിനുള്ള പടികൾ വ്യക്തമാക്കുന്നത്‌. വിശ്വാസികളുടെ സംഘടനകളെ സംബന്ധിക്കുന്ന നിര്‍ദ്ദേശങ്ങള്‍ 298 മുതൽ 329 വരെയുള്ള കാനോനകളിൽ കാണാനാകും. ഒരു സംഘടന കത്തോലിക്ക സംഘടന എന്ന്‌ അറിയപ്പെടണമെങ്കില്‍ അത്‌ സഭയുടെ ചട്ടപകാരം അംഗീകാരിക്കപ്പെടണം. തങ്ങൾ ആരാണെ...

ജീസ്സസ്‌ യൂത്ത്‌ ജീവിത ശൈലി (Six Pillars) രൂപംകൊണ്ട വഴികള്‍ (By Dr. Edward Edezhath - Published in Kairos Malayalam in 2015) ഇന്ന്‌ മുന്നേറ്റത്തില്‍ ജീവിത ശൈലിയെക്കുറിച്ചു പറയുമ്പോള്‍ അതിന്റെ ആറു നെടുംതൂണുകളെ ക്കുറിച്ചാണല്ലോ (Six Pillars) നാം പരാമര്‍ശിക്കുക. ആദ്ധ്യാത്മിക ജീവിതത്തിന്റെ സ്ഥായീഘടകങ്ങള്‍ എന്ന്‌ ഇവയെ നാം വിളീക്കാറുണ്ട്‌. മുന്നേറ്റത്തിലെ മറ്റുപല കാര്യങ്ങളിലുമെന്ന പോലെ ഇതു വളര്‍ന്നുവന്നതിനു പുറകിലും ഒരു ചരിത്രമുണ്ട്‌. നവീകരണ മുന്നേറ്റം അതിന്റെ ആരംഭകാലങ്ങളില്‍ വ്യാപിച്ചത്‌ എൽ എസ്‌ എസ്‌ (LSS) എന്ന്‌ പൊതുവേ അറിയപ്പെടുന്ന ലൈഫ്‌ ഇന്‍ ദ സ്പിരിറ്റ്‌ സെമിനാറുകളിലൂടെയായിരുന്നു. ആത്മാവില്‍ പുതുജീവൻ ആഗ്രഹിക്കുന്നവര്‍ ഏഴ്‌ ആഴ്ച നീളുന്ന ഈ ആത്മാഭിഷേക ഒരുക്കത്തിൽ പങ്കുചേരും. ആഴ്ചയിൽ ഒരു ദിവസം രണ്ടുമൂന്നു മണിക്കൂര്‍ നീളുന്ന ഒത്തുചേരൽ. അവിടെ ക്ലാസുകളും സാക്ഷ്യവും ഗ്രൂപ്പിൽ പങ്കുവെയ്ക്കുലുമെല്ലാം ഉണ്ടാകും. ആ വാരത്തിലെ തുടര്‍ന്നുള്ള ദിവസങ്ങളില്‍ വായിക്കാന്‍ ബൈബിൾ ഭാഗങ്ങളും അനുദിന പ്രാര്‍ത്ഥനയ്ക്കുള്ള വിഷയങ്ങളുമായി വ്യക്തിപരമായ ഒരുക്കം തുടരും. അഞ്ചാം ആഴ്ചയിൽ ആത്മാഭിഷേക പ്രാര്‍ത്ഥന. ആറാമത്തെ ആഴ്ച...

 ജീസ്സസ്‌ യൂത്ത്‌ മുന്നേറ്റത്തിലെ സാമ്പത്തിക ശൈലികൾ (By Dr. Edward Edezhath - Published in Kairos Malayalam in 2015) സാമ്പത്തികം വ്യക്തിജീവിതത്തിലെന്നപോലെ മുന്നേറ്റത്തിലെ സംഘാടന തലത്തിലും ഒഴിച്ചുകൂടനാവാത്ത ഘടകമാണല്ലോ. ഒരു വ്യക്തിയെ അളക്കുന്നതിന്‌ അയാളുടെ സാമ്പത്തിക സമ്പാദന-നിക്ഷേപ-വിനിമയ രീതികള്‍ ഏറെ പ്രാധാന്യമര്‍ഹിക്കുന്നതുപോലെ ഒരു സംഘടനയേയോ മുന്നേറ്റത്തേയാ അടുത്തു മനസ്സിലാക്കുന്നതിനും ആ മേഖയലെക്കുറിച്ചുള്ള വിചിന്തനം സഹായകമാകും. മൂന്നു പതിറ്റാണ്ടത്തെ ചരിത്രമുള്ള മുന്നേറ്റം സാമ്പത്തിക മേഖലയില്‍ ഒരു ശൈലി ഇതിനകം സ്വയത്തമാക്കിയിട്ടുണ്ട്. ജീസ്സസ്‌ യൂത്ത്‌ മുന്നേറ്റത്തിന്റെ പ്രവര്‍ത്തനതലം ആദ്യകാലങ്ങളില്‍ ഏറെ ലളിതമായിരുന്നു. കേരളത്തിന്റെ വിവിധ ഭാഗങ്ങളില്‍ യുവജന പ്രാര്‍ത്ഥനാഗ്രൂപ്പുകള്‍, 14 സോണുകളില്‍ അവര്‍ മാസത്തില്‍ ഒരിക്കല്‍ ഒത്തുചേരും. അവയുടെ നേതാക്കൾ മാസത്തിന്റെ മൂന്നാം വാരാന്ത്യത്തിൽ സംസ്ഥാനതലത്തില്‍ ഒന്നിച്ചുചേര്‍ന്ന്‌ പ്രാര്‍ത്ഥനാപൂര്‍വ്വം അവലോകനം നടത്തുകയും പദ്ധതികൾ രൂപീകരിക്കുകയും ചെയ്യും. പിന്നീട്‌ പല മിനിസ്റ്റികളായി, അവ സോണുകളിലും സബ്‌ സോണുകളിലും വേരുപാകി, വിവിധ പരിശീലന പരിപാട...

 ജീസ്സസ്‌ യൂത്തിലെ സാമൂഹ്യ പ്രതിബദ്ധതയുടെ വളരുന്ന മാനങ്ങള്‍ (By Dr. Edward Edezhath - Published in Kairos Malayalam in 2015) ജീസ്സസ്‌ യൂത്തിലെ ദര്‍ശനങ്ങള്‍ രൂപപ്പെട്ട സുപ്രധാന വേദി 1982 ജുലൈ മാസത്തിൽ രൂപം കൊണ്ട്‌ ഏതാണ്ട്‌ നാലഞ്ചു വര്‍ഷം തുടര്‍ന്ന "ഫസ്റ്റ്‌ലൈൻ" ഗ്രൂപ്പായിരുന്നു. കേരളത്തിന്റെ വിവിധ പ്രദേശങ്ങളിൽ നിന്ന്‌ വന്ന്‌ മൂന്നാം വാരന്ത്യത്തിൽ ചര്‍ച്ചകളും വിചിന്തനങ്ങളും നടത്തി തിരിച്ചുപോകുമായിരുന്ന ഒരു നേതൃസമിതി. ക്ലാസ്സുകളോ കൃത്യതയാര്‍ന്ന സെഷനുകളോ ഇല്ലാതെ വിശേഷങ്ങള്‍ പങ്കുവയ്ക്കലും ചര്‍ച്ചകളും പ്രാര്‍ത്ഥനയും മാത്രം ഉണ്ടായിരുന്ന വര്‍ഷങ്ങള്‍ നീണ്ട ഒരു കൂട്ടായ്മ. പല ഗ്രൂപ്പുകളിലും സംഭവിക്കുന്ന കൃത്യമായ നിര്‍ദ്ദേശങ്ങളുടേയും ഒരുവിധത്തിലുള്ള വിചാര നിയന്ത്രണത്തിന്റേയും അഭാവത്തില്‍ ഫസ്റ്റലൈന്‍ ഏറെ സ്വാത്രന്ത്യത്തോടെയുള്ള അന്വേഷണത്തിന്റേയും ആദ്ധ്യാത്മിക വളര്‍ച്ചയുടേയും വേദിയായി. പിന്നീടു രൂപംകൊണ്ട മുന്നേറ്റത്തിന്റെ പല ശൈലികളും ചിന്താഗതികളും ആ വേദിയിൽ രൂപപ്പെട്ടു. അതിൽ സുപ്രധാനമായ ഒരു മേഖലയായിരുന്നു സാമൂഹ്യ പ്രതിബദ്ധതയെക്കുറിച്ചുള്ള വളരുന്ന വീക്ഷണം. സാന്നിദ്ധ്യം ഒരു ശുശ്രൂഷയാകുമ്പോൾ...

 കാമ്പസ്‌ പ്രവര്‍ത്തനങ്ങളുടെ വളര്‍ച്ചാവഴികള്‍ (By Dr. Edward Edezhath - Published in Kairos Malayalam in 2015) നിങ്ങളെന്താ കോളേജുകളെ വിപ്ലവ്പ്രസ്ഥാനങ്ങള്‍ക്ക്‌ തീറെഴുതി കൊടുത്തിരിക്കുകയാണോ? നിങ്ങളുടെ യുവജന പ്രവര്‍ത്തനങ്ങൾ ഇടവകയിൽ മാത്രം ഒതുക്കാനാണു നിങ്ങള്‍ നോക്കുന്നത്‌, കാരണം അതെളുപ്പമാണ്‌. ഉന്നത വിദ്യാഭ്യാസ മേഖല ക്രിസ്തീയ പ്രവര്‍ത്തനങ്ങള്‍ക്ക്‌ ഒട്ടും സുഖമുള്ള പശ്ചാത്തലമല്ലായിരിക്കും, പക്ഷേ അവിടെയാണ്‌ ഈ യുവജന മുന്നേറ്റം പ്രവര്‍ത്തിക്കേണ്ടത്‌.?” മാംഗളൂര്‍കാരി സിസ്റ്റര്‍ ഹെഡ്വിജ്ജ്‌ ഏറെ തീക്ഷ്ണതയോടും കുറച്ചെല്ലാം പരുഷമായുമാണ്‌ അന്നത്തെ യുവജന നേതാക്കളെ കോളേജുകളിലെ പ്രവര്‍ത്തനങ്ങള്‍ ശക്തിപ്പെടുത്തുന്നതിനെക്കുറിച്ച്‌ വെല്ലുവിളിച്ചത്‌. 1983 ല്‍ സിസ്റ്ററിന്റെ ആവശ്യപ്രകാരം എറണാകുളം സെന്റ്‌ തെരേസാസ്‌ കോളേജില്‍ വിളിച്ചുകൂട്ടിയ മീറ്റിങ്ങില്‍ വച്ചായിരുന്നു അത്‌. ഉന്നതവിദ്യാഭ്യാസ മേഖലയിലെ കത്തോലിക്കാ സ്ഥാപനങ്ങളുടെ സംഘടനയായ സേവ്യര്‍ ബോര്‍ഡിന്റെ തലപ്പത്ത്‌ സിസ്റ്റര്‍ ഹെഡ്വിജ്ജ്‌ വന്നശേഷം ആ മേഖലയില്‍ ഒരു പുത്തന്‍ ആദ്ധ്യാത്മിക ചൈതന്യം വന്നുചേര്‍ന്നു. ഭാരതം മുഴുവന്‍ ചുറ്റിനടന്ന്‌ കോളേജ്‌ അധികാരികള...

കാറ്റ്‌ അതിനിഷ്ടമുള്ളിടത്തേക്കു വീശുന്നു (യോഹ 3:8) (By Dr. Edward Edezhath - Published in Kairos Malayalam in 2015) വിശുദ്ധ ഗ്രന്ഥത്തിലെ ഏറെ സുന്ദരമായ വാക്ചിത്രങ്ങളിലൊന്നാണ്‌ എസക്കിയേലിന്റെ പ്രവചനങ്ങളിലെ ദേവാലയ പൂമുഖത്തുനിന്നു നിര്‍ഗളിക്കുന്ന അരുവിയുടെ വിവരണം. ആ പുസ്തകത്തിന്റെ 47 )൦ അദ്ധ്യായത്തിലാണത്‌. കിഴക്കോട്ടു ദര്‍ശനമുള്ള ദേവാലയത്തിന്റെ വലതുഭാഗത്തുനിന്ന്‌ ഒരു ചെറിയ നീരുറവ പുറപ്പെടുന്നു. വെള്ളത്തിന്റെ ഒഴുക്ക്‌ ആരംഭത്തില്‍ വളരെ ചെറുതെങ്കിലും ഏതോ ഒരാള്‍ കയ്യില്‍ ഒരു ചരടുമായി അരുവിയിലൂടെ അളന്നളന്ന്‌ മുന്നോട്ടു ചെന്ന്‌ ഓരോ ഘട്ടം കടക്കുമ്പോഴും ജല പ്രവാഹം ആഴവും പരപ്പും നേടുന്നു. അവസാനം ഒരു മഹാനദിയായി ആ ഭൂപ്രദേശം മുഴുവന്‍ മാറ്റിമറിച്ചു മുന്നേറുന്നു. ബൈബിളില്‍ ഉടനീളം ആത്മാവിന്റെ പ്രവർത്തനത്തെ ജലം, നദി എന്നീ പ്രതീകങ്ങളിലൂടെ അവതരിപ്പിക്കപ്പെടാറുണ്ട്‌. അങ്ങനെ ചിന്തിക്കുമ്പോള്‍ ഏറെ ചെറുതായി ആരംഭിച്ച്‌ പടിപടിയായി വളര്‍ന്ന്‌ ആഴവും പരപ്പും നേടുന്ന ആദ്ധ്യാത്മിക മുന്നേറ്റങ്ങളുടെ പ്രതീകമാണ്‌ മുന്‍ പറഞ്ഞ വിവരണം. മറ്റു പല മുന്നേറ്റങ്ങളോടൊപ്പം ജീസ്സസ്‌ യൂത്ത്‌ മുന്നേറ്റത്തിന്റേയും ദര്‍ശനവും വളര്‍ച്ചാവഴി...

 ജീസ്സസ്‌ യൂത്തില്‍ വ്യക്തിത്വ രൂപീകരണം വളര്‍ന്നുവന്ന വഴികള്‍ (By Dr. Edward Edezhath - Published in Kairos Malayalam in 2015) മുന്നേറ്റത്തിന്റെ ആദ്യകാലങ്ങളില്‍ മാര്‍സലീനോ അച്ചന്‍ അവര്‍ത്തിക്കുമായിരുന്ന ഒരു ഉപമ ഓര്‍ക്കുന്നു. ഒരു ഫലവൃക്ഷത്തില്‍ തൂങ്ങുന്ന കായ്കളും ക്രിസ്തുമസ്‌ അലങ്കാരവൃക്ഷത്തില്‍ തൂങ്ങുന്ന സമ്മാന പൊതികളും പോലെയാണ്‌ ആത്മാവിന്റെ ഫലങ്ങളും വരദാനങ്ങളും. സമ്മാനപൊതികള്‍ പെട്ടെന്നു ലഭിക്കും ആകര്‍ഷകങ്ങളുമാണ്‌ എന്നാൽ പഴങ്ങള്‍ വളരാന്‍ സമയമെടുക്കും സ്ഥിരപരിശ്രമവും കാത്തിരിപ്പും വേണ്ടിവരും. ചോദിക്കുവിന്‍ നല്‍കപ്പെടും (ലൂക്ക 11:9) എന്ന വചനം ആധാരമാക്കി വിശ്വാസപൂര്‍വ്വം സമീപിച്ചാല്‍ ആത്മാവ്‌ വരങ്ങള്‍ നല്‍കും. എന്നാൽ ആ വരങ്ങള്‍ സ്വീകരിച്ച്‌ അത്ഭുതകരമായി സുവിശേഷ പ്രവര്‍ത്തികളില്‍ മുഴുകുന്ന ഒരാള്‍ക്ക്‌ വ്യക്തിപരമായ പക്വത ഉണ്ടാകണമെന്നു നിര്‍ബ്ബന്ധമില്ല. എന്നില്‍ വസിക്കുന്നവന്‍ സ്ഥിരതയുള്ള ഫലങ്ങള്‍ പുറപ്പെടുവിക്കുമെന്ന യേശുവിന്റെ വാഗ്നാനം (യോഹ 15:58) നാം ചെവിക്കൊണ്ടാല്‍ ആത്മാവിന്റെ ഫലങ്ങള്‍ ഉറപ്പുവരുത്തുന്ന പക്വതയില്‍ വളരാന്‍ നമുക്കു സാധിക്കും. ഇപ്പറഞ്ഞ വരങ്ങളും ഫലങ്ങളും സംയോജിപ്പിച്ച്‌ ...

ജീസ്സസ്‌ യൂത്തോ! അതെന്താ? മുന്നേറ്റത്തിന്റെ വളരുന്ന സ്വയാവബോധത്തെക്കുറിച്ച്‌ (By Dr. Edward Edezhath - Published in Kairos Malayalam in 2015) വര്‍ഷം 1993. സ്ഥലം പിഓസി, പാലാരിവട്ടം, ഏറണാകുളം. അവിടെ നടന്ന ഒരു വാരാന്ത്യ സമ്മേളനം, ഒരു രീതിയില്‍ ജീസ്സസ്‌ യൂത്ത്‌ ചരിത്രത്തിലെ ഒരു സുപ്രധാന നാഴികക്കല്ലായി അത്‌. ഇന്നത്തെ കൊച്ചി മെത്രാന്‍ ബിഷപ്പ്‌ ജോസഫ്‌ കരിയില്‍ ആയിരുന്നു അന്ന്‌ അവിടത്തെ ഡയറക്ടറും കേരള മെത്രാന്‍ സമിതിയുടെ ഡപ്യൂട്ടി സെക്രട്ടറിയും. മെത്രാന്‍ സമിതിയുടെ മതബോധന കേന്ദ്രം ഒരു പുത്തന്‍ ആശയം മുന്നോട്ടുവച്ചു. യുവജനങ്ങളെ ലക്ഷ്യംവച്ച്‌ ഒരു വിശ്വാസ പരിശീലന പദ്ധതിക്ക്‌ കേരളത്തില്‍ രൂപം നല്‍കുക. അതിനായി സംസ്ഥാനത്തെ നിലവിൽ അറിയാവുന്ന കത്തോലിക്ക യുവജന പ്രസ്ഥാനങ്ങളെ ഒരു ചര്‍ച്ചയ്ക്കായി വിളിച്ചുകൂട്ടി. ചെറുതും വലുതുമായ പല യുവസമൂഹങ്ങളേയും അവര്‍ തേടിപ്പിടിച്ചു വിളിച്ചു, അക്കൂട്ടത്തില്‍ ജീസ്സസ്‌ യൂത്തിനേയും. ആലീസ്‌കൂട്ടിയും മനോജ്‌ സണ്ണിയും ഞാനുമെല്ലാം നമ്മുടെ മുന്നേറ്റത്തെ പ്രതിനിധീകരിച്ച്‌ ഏറെ താല്‍പര്യത്തോടെ ആ വെള്ളിയാഴ്ച പിഓസിയില്‍ എത്തി. വര്‍ദ്ധിച്ച താല്‍പര്യത്തിന്‌ ഒരു കാരണമുണ്ടായിരുന്നു. ജീസസ്...

 കുടുംബങ്ങൾ വലിയ പ്രതിസന്ധിയിലൂടെ കടന്നുപോകുമ്പോൾ  ജീസസ് യൂത്തിന് എന്തു ചെയ്യാനാകും?  (By Dr. Edward Edezhath - Published in Kairos Malayalam in 2025) കഴിഞ്ഞ ദിവസം, ഒരു യാത്രയ്ക്കിടെ, എന്റെ മകൾ അവളുടെ സുഹൃത്തുക്കളുടെ കുടുംബ വിശേഷങ്ങൾ പറയാൻ തുടങ്ങി. "മിക്കവരുടെയും അവസ്ഥ ഏറെ സങ്കടകരമാണ്, പലരും ഏറെ വിഷമിക്കുന്നു," അവൾ തുടർന്നു. "ചില ദമ്പതികൾ ഇതിനകം ബന്ധം പിരിഞ്ഞു, മറ്റുള്ളവർക്ക് മാർഗ്ഗനിർദ്ദേശത്തിനായി എങ്ങോട്ട് തിരിയണമെന്ന് അറിയില്ല. അവരെ ഒന്ന് സഹായിക്കാൻ കഴിയുന്ന ആരെയെങ്കിലും നിർദ്ദേശിക്കാമോ?"  ഞാൻ ഒന്ന് രണ്ട് വൈദികരെയും കൗൺസിലർമാരെയും പറ്റി സൂചിപ്പിച്ചു. പക്ഷേ അവൾക്ക് അതത്ര തൃപ്തിയായില്ല. "അവരെ കേൾക്കാനും സഹായിക്കാനുമായി അവർക്ക് അടുപ്പം തോന്നുന്ന ആരെങ്കിലും വേണം. ഒരുപക്ഷേ വൈദികൻ, കൗൺസലർ എന്നൊക്കെ കേൾക്കുമ്പോൾ തന്നെ ഒരു മുൻവിധി ഉണ്ടാകും, അതിന് പകരം അവരെ സഹായിക്കാൻ തയ്യാറുള്ള സാധാരണക്കാർ ഉണ്ടാകില്ലേ?” ആ ചോദ്യം എന്റെ മനസ്സിൽ തുടർന്നു. ഏറെ മാറ്റങ്ങൾ വരുന്നൊരു കാലം  1988-ൽ ഞാൻ ആദ്യമായി ഫ്രാൻസിലെ തെയ്സെ സന്ദർശിച്ചു, ചർച്ചകൾക്കിടെ അവിടെ കേട്ട കാര്യങ്ങൾ ഏറെ വിഷമിപ്പിക്ക...