ജീസസ് യൂത്ത് കൂട്ടായ്മകളില് തീരുമാനങ്ങള് എടുക്കുന്നതെങ്ങനെ?
(By Dr. Edward Edezhath - Published in Kairos Malayalam in two parts in 2019)
"പ്രായമായ വൈദികരുടെ താമസസ്ഥലം അധികം ദൂരെയല്ല. അവരുടെ കൂടെ നമുക്ക് ഒരു സായാഹ്നം ചെലവഴിച്ചാലോ?" ജീസസ് യൂത്ത് കോര്ഗ്രൂപ്പിന്റെ മുന്നിൽ അഖില് വച്ച നിര്ദ്ദേശമായിരുന്നു അത്. ഒന്പതുപേരാണ് ആ ഗ്രൂപ്പിൽ ഉള്ളത്. നാലഞ്ചു പേർ ഏറേ താല്ലര്യത്തോടെയാണ് അത് സ്വീകരിച്ചത്. ചിലര് അത് ഈ സമയത്തുവേണ്ട എന്ന് അഭിപ്രയപ്പെട്ടു. മറ്റുള്ളവര് വ്യക്തമായ അഭിപ്രായം ഇല്ലാത്തവരായിരുന്നു. ഏതായാലും ഗ്രൂപ്പ് ഒരു തീരുമാനത്തിലെത്തണം, ഒന്നെങ്കിൽ പോകണം അല്ലെങ്കിൽ വേണ്ട.
അനുദിന ജീവിതത്തിലെ സുപ്രധാന വിഷയമാണല്ലോ തീരുമാനങ്ങള്. നാമെല്ലാം എല്ലാദിവസവും എന്തെല്ലാം തീരുമാനിക്കുന്നു, ഭക്ഷണസമയത്ത് എത്രത്തോളം കറി ആദ്യം വിളമ്പണം അല്ലെങ്കില് ഒരു പുസ്തകം കുറച്ചുകൂടി വായിക്കണമോ എന്നു തുടങ്ങിയവ ചെറിയ തീരുമാനങ്ങളാകാം. എന്നാല് ഏത് കോഴ്സ് എടുത്തുപഠിക്കണം അനുദിന വ്യായാമത്തിന് ഒരു പ്ലാനിടുക തുടങ്ങിയവ വലിയ തീരുമാനങ്ങളാകാം. ഇനി, വീട്ടിലും ജോലിസ്ഥലത്തുമെല്ലാം മറ്റനേകര് പങ്കുപറ്റുന്ന തീരുമാനങ്ങളുമുണ്ടാകും. ഇത്തരം സം൦ഘാതമായ തീരുമാനങ്ങളും ആദ്യം പറഞ്ഞ വ്യക്തിഗതമായ തീരുമാനങ്ങളും ജീവിതത്തില് സുപ്രധാന പടികൾ വയ്ക്കാന് നമ്മെ സഹായിക്കുന്നു.
പലപ്പോഴും “എന്ത്” തീരുമാനം എന്ന് നാം ശ്രദ്ധിക്കും പക്ഷേ “എങ്ങനെ?" ഈ തീരുമാനങ്ങളിലെത്തുന്നു എന്നത് നാം അവഗണിക്കുകയാണു പതിവ്. ഒരു കാര്യം പ്രധാനപ്പെട്ടതാണ് ഒരു സമൂഹം എങ്ങനെ തീരുമാനങ്ങളെടുക്കുന്നു എന്നതിനെ ആസ്പദമാക്കി ആ ഗ്രൂപ്പ് വളരുകയോ തളരുകയോ ചെയ്യും.
ജീസസ് യൂത്ത് മുന്നേറ്റത്തിന്റെ ആദ്യവര്ഷങ്ങളിലെ പരിശീലനങ്ങള്ക്കിടയിൽ “മുദ്രാവാക്യം നിര്മിക്കുക” എന്നൊരു ഗ്രൂപ്പ് എക്സര്സൈസ് ഞാന് നല്കുമായിരുന്നു. മൂന്നു ഗ്രൂപ്പുകള് ഒരു പരിപാടിക്കുവേണ്ടി ഒരു നല്ല മുഭ്രാവാക്യം നിര്മിക്കുക. പക്ഷേ മുന്പേ തന്നെ ആ ഗ്രൂപ്പുകള് അറിയാതെ അതിനു നേതൃത്വം നല്കുന്നവരെ വിളിച്ച് ഒരു പ്രത്യേക രീതിയില് ഗ്രൂപ്പിനെ നയിക്കാന് ഞാന് ചട്ടംകെട്ടിയിരിക്കും. ആദ്യത്തെയാള് *“ഏകാധിപതി', രണ്ടാമത്തെയാല് 'കളിതമാശക്കാരൻ,' മൂന്നമത്തെയാള് 'പങ്കാളിത്തം ഉറപ്പാക്കുന്ന നേതാവ്' എന്നിങ്ങനെ ഗ്രൂപ്പുകളറിയാതെ നേതൃ ശൈലികള് തീരുമാനിക്കപ്പെടും. പിന്നെ ഗ്രൂപ്പുകള് ഒന്നിച്ചുവന്ന് ചര്ച്ചചെയ്യാനും മുദ്രാവാക്യം ഒരുക്കാനും തുടങ്ങും. ഏകാധിപതിയുടെ ഗ്രൂപ്പ് നേതൃത്വത്തിന്റെ കടുംപിടുത്തം കാരണം ഒന്നുകില് നിശ്ശബ്ദുമാകും അല്ലെങ്കില് വലിയ സം൦ംഘര്ഷത്തിലേയ്ക്കു പോകും. കളിതമാശക്കാരന്റെ കൂട്ടുകാര് ആദ്യം ഏറെ രസിക്കും പിന്നീട് കാര്യങ്ങള് മുന്നോട്ടുപോകാതാകുമ്പോള് അസ്വസ്ഥമാകും, ചിലര് വഴക്കിടാനും തുടങ്ങും. നല്ല പങ്കാളിത്തമുള്ള മൂന്നാമത്തെ ഗ്രൂപ്പ് മിക്കവാറും നന്നായി ഐക്യത്തോടെ കാര്യങ്ങൾ ചെയ്യും നല്ല മുദ്രാവാക്യവുമായി വരുകയും ചെയ്യും. അവസാനം എല്ലാവരും ഒന്നിച്ചുവന്ന് അവലോകനം ചെയ്ത് നേതൃത്വ ശൈലികളുടെ വ്യത്യസ്ഥ രീതികളും അവയുടെ പ്രാധാന്യവും ചര്ച്ചചെയ്യും.
ജീസസ് യൂത്ത് മുന്നേറ്റത്തിന്റെ വലിയ പ്രത്യേകത നല്ല കൂട്ടായ്മകളാണ്, പ്രാർത്ഥനാ ഗ്രൂപ്പുകള്, സെല്ലുകള്, ഹൗസ്ഹോള്ഡ്, മറ്റു ടീമുകള് തുടങ്ങിയവ. അവിടെയെല്ലാം ബോധപൂര്വ്വവും അല്ലാതേയും പല തീരുമാനങ്ങളും എടുക്കും. അവിടെയെല്ലാം 'എന്ത്' തീരുമാനിക്കുന്നു എന്നതുപോലെ 'എങ്ങനെ' എന്നതും പ്രധാനപ്പെട്ടതാണ്. മുന്പുസൂചിപ്പിച്ച മുദ്രാവാക്യം ഉണ്ടാക്കല് ഉദ്യമം ഒരു സമൂഹത്തില് തീരുമാനങ്ങള് 'എങ്ങനെയെല്ലാം' രൂപപ്പെടാം എന്നത് കാണിക്കുന്നതായിരുന്നു. ഒരു സമൂഹത്തിലെ തീരുമാന രീതികള് അതിന്റെ പക്വതയുടെ സൂചനയാകാം. അതിലുമുപരി പങ്കാളിത്തമുള്ള നല്ല തീരുമാനങ്ങള് ഒരു സമൂഹത്തെ സ്നേഹത്തിലും ഐക്യത്തിലും വളര്ത്തും.
ചില മനോഭാവങ്ങള് അത്യാവശ്യം
ഒരു കൂട്ടായമ എങ്ങനെയാണ് പടിപടിയായി തീരുമാനത്തിലെത്തുന്നത് എന്ന് വിവരിക്കുന്നതിനു മുന്പ് നല്ല തീരുമാനങ്ങള് ഉണ്ടാകാന് വേണ്ട ചില മനോഭാവങ്ങള് ചര്ച്ചചെയ്യാം.
1. ആദരവ് നല്കുക: കൂട്ടായമയിലെ ഓരോ വ്യക്തിയും ദൈവ പൈതലാണ്, അയ്യാളിൽ ദൈവാത്മാവു വസിക്കുന്നു. നമ്മുടെ ലയകീക മനോഭാവങ്ങളാല് നാമിതു മറന്നുപോകുന്നു. ഒരാൾക്ക് അര്ഹമായ ആദരവുനല്കുന്നതില് നിന്ന് അയ്യാളുടെ പ്രായമോ, വിദ്യാഭ്യാസമോ, സാമൂഹിക അവസ്ഥകളോ, ഒന്നും നമ്മെ തടസ്സുപ്പെടുത്തരുത്. (കരിസ്തുശിഷ്യന്റെ മനോഭാവമായ ഈ ആഴമുള്ള ആദരവാണ് നല്ല തീരുമാനങ്ങളുടെ ആദ്യ പടി.
2. ശ്രദ്ധിച്ചു കേള്ക്കുക: “ഈ എളിയവരില് ഒരുവന് ഇത് നിങ്ങള് ചെയ്തുകൊടുത്തപ്പോൾ” (മത്താ 25:40). ദൈവം സംസാരിക്കുന്നത് പലപ്പോഴും ഗ്രൂപ്പിലെ സാധാരണ വ്യക്തികളിലൂടെ യായിരിക്കും. അവര് പറയുന്നതും പലപ്പോഴും പറയാന് മടിക്കുന്നതുമായ കാര്യങ്ങള്ക്കു ചെവിയോര്ക്കാനുള്ള തുറവി സമൂഹം ഒന്നിച്ചു തീരുമാനമെടുക്കുന്നതിന് അത്യാവശ്യമാണ്.
3. വൈവിധ്യം അംഗീകരിക്കുക: “നിങ്ങള് ക്രിസ്തുവിന്റെ ശരീരവും ഓരോരുത്തരും അതിലെ അവയവങ്ങളുമാണ്' വത്യസ്തമായ വരദാനങ്ങളുമുണ്ട് (1 കൊറീ 12:27). ഗ്രൂപ്പില് ചിലര് ശാന്തമായി അടുക്കും ചിട്ടയോടുംകൂടെ കാര്യങ്ങള് അവതരിപ്പിക്കുന്നവര്, മറ്റു ചിലര് ശബ്ദമുയര്ത്തി നിര്ബ്ബന്ധബുദ്ധിയോടെ പറയുന്നവര്, ഇനിയും ചിലര് വ്യക്തതയില്ലാതെ സംശയിക്കുന്നവര്, പക്ഷേ അവരെല്ലാവരും മുന്നോട്ടുള്ള യാത്രയിലും ഗ്രൂപ്പിന്റെ തീരുമാനങ്ങളിലും വലിയ സംഭാവന നല്കുന്നവരാണ്.
4. ദൈവീക പദ്ധതി തേടുക: അവിടത്തേയ്ക്ക് ഒരു പ്ലാനുണ്ട്, എല്ലാ പ്രവര്ത്തിയും 'ദൈവമഹത്വത്തിനായി ചെയ്യുവിന്' (1 കൊറി 10:31). വിചിന്തനത്തിന്റേയും പ്രാര്ത്ഥനയുടേയും പാതയില് ദൈവേഷ്ടം അന്വേഷിക്കുക സുപ്രധാനമാണ്.
5, നിസ്സംഗഭാവം സ്വീകരിക്കുക: ദൈവേഷ്ടം പിൻചെല്ലുന്നതിനുള്ള നല്ല മനോഭാവം എന്താണ്? എനിക്കിഷ്ടം ഇങ്ങനെ സംഭവിക്കുന്നതാണ്, എന്നാല് ദൈവമേ അങ്ങെ ഇഷ്ടം സംഭവിക്കട്ടെ. എന്റെ ആശ ഞാന് അറിയണം, പക്ഷേ ക്രിസ്തുശരീരത്തിന്റെ തീരുമാനം എന്തായാലും അതിനോട് ഒത്തുപോകാന് തയ്യാറുള്ള 'വിട്ടുകൊടുക്കൽ മനോഭാവം' കൂട്ടായ്മയിലെ തീരുമാനങ്ങള്ക്ക് ഏറെ പ്രധാനമാണ്.
6. തിരക്കു കൂട്ടരുത്: നിനക്ക് ബോധ്യവും വ്യക്തതയുമുള്ളപ്പോള് ഉടന് നടപടികളിലേയ്ക്കു നീങ്ങാന് തിരക്കുണ്ടാകും. എന്നാല് ഗ്രൂപ്പിൽ പലരും ബോധ്യങ്ങളിലേയ്കെത്തുന്നതിന്റെ വിവിധ പടികളിലായിരിക്കും. കൂട്ടായ്മയിലെ തീരുമാനങ്ങളില് ഒരു സുപ്രധാന തത്വം തീരുമാനങ്ങളിൽ എത്താന് തിരക്കുകൂട്ടുകയോ നിര്ബ്ബന്ധിക്കുകയോ ചെയ്യരുത് എന്നതാണ്.
7. സമാധാനവും ഐക്യവും: ദൈവരാജ്യ നിര്മിതിയില് “സ്നേഹമായിരിക്കട്ടെ നിങ്ങളുടെ ലകഷ്യം' (1 കൊറി 14:1). ഒരു കാര്യം തീരുമാനിക്കുന്ന പാതയില് എല്ലാ ചര്ച്ചയും തര്ക്കവും ഒക്കെ പിന്നിട്ട് ഒരുമയില് നിലനില്ക്കുക എന്ന ലക്ഷ്യം നമുക്കുണ്ടാകണം. തുറന്നു പറയാന് എല്ലാവര്ക്കും സാധിക്കുകയും ഒന്നിച്ചു തുടരാനാവുകയും ചെയ്യുക ആഴത്തിലുള്ള ദൈവസ്നേഹാനുഭവത്തിനും കൂട്ടായ്മയുടെ വളര്ച്ചയ്ക്കും അനിവാര്യമാണ്.
എപ്പോഴും സന്തോഷിക്കുവിന്! ഒരു തീരുമാനമായാല് പിന്നെ നിര്ദ്ദിഷ്ടലക്ഷ്യം പൂര്ത്തിയാക്കാനുള്ള തിരക്കായി. ഓരോ നല്ല തീരുമാനവും ത്രീത്വൈക ജീവിതത്തിലെ നമ്മുടെ പങ്കാളിത്തത്തിന്റെ ഒരു വലിയ പടിയാണ്. കര്ത്തൃദയത്യനിര്വ്വഹണം സജീവവും ഫലദായകവുമാകുന്നത് ശിഷ്യര് ഒരു കൂട്ടായ്മയില് ഒത്തുചേര്ന്ന് അവിടുത്തെ മനസ്സറിഞ്ഞ് തീരുമാനങ്ങള് കൈകൊള്ളുകയും അങ്ങനെ സ്നേഹത്തില് വളരുകയും ചെയ്യുമ്പോഴാണ്. യേശുനാഥന്റെ വാക്കുകളില്, “ഭൂമിയില് നിങ്ങൾ രണ്ടുപേര് യോജിച്ച് ചോദിക്കുന്ന ഏതു കാര്യവും എന്റെ സ്വര്ഗ്ഗസ്ഥനായ പിതവ് നിറവേറ്റിത്തരും” (മത്താ 18:19).
കൂട്ടായ്മകളിൽ തീരുമാനങ്ങള് എടുക്കുന്നതെങ്ങനെ?
“പുതിയ സര്ക്കാര് തീരുമാനം കേട്ടോ? പ്രീഡിഗ്രി കോളേജില് നിന്ന് മാറുന്നു. പകരം സ്കൂളില് 11, 12 ക്ലാസുകള് വരുന്നു. ഇത് മിക്കവാറും ജീസസ് യൂത്ത് മുന്നേറ്റത്തെ മാറ്റിമറിക്കും"
1997 ല് ആയിരുന്നു അത്. ഈ പുതിയ സര്ക്കാർ നടപടി മുന്നേറ്റത്തെ എങ്ങനെ ബാധിക്കുമെന്ന് ആ ജീസസ് യൂത്ത് നേതാവ് എന്നെ പറഞ്ഞു മനസിലാക്കി. മുന്നേറ്റത്തിന്റെ പ്രധാന ഭാഗമാണ് കാമ്പസ് മിനിസ്റ്രി. പ്രീഡിഗ്രി അന്ന് കോളേജിലെ ആദ്യ രണ്ടുവര്ഷങ്ങള്. ആ കുട്ടികള് അധികാരികള്ക്ക് മിക്കവാറും വലിയ തലവേദനയാണ്. പക്ഷേ ഒരു ദൈവസ്പര്ശനം കിട്ടി അവര് ജീസസ് യൂത്ത് ഗ്രൂപ്പിൽ വന്നുകഴിയുമ്പോള് വലിയ പ്രതിബദ്ധതയും പ്രസരിപ്പും കാണിക്കുന്നത് അവരാണ്. പിന്നീട് അവര് നേതൃത്വത്തിൽ തുടരുകയും ചെയ്യും. ആ പ്രായത്തിലുള്ളവര് ഇനിമുതല് സ്ക്കൂളില് എത്തി അദ്ധ്യാപകരുടെ കൃത്യമായ നിയന്ത്രണത്തിലാകുമ്പോള് കാര്യങ്ങൾ പാടേ മാറും. കോളേജുകളിലെ രീതികളും ഒപ്പം മുന്നേറ്റത്തിന്റെ ശൈലികളും ആകെ വ്യത്യസ്ഥമാകും.
ആ സ്നേഹിതന് ഒരു നിര്ദ്ദേശവും മുന്നോട്ടുവച്ചു, “മുന്നേറ്റത്തിൽ ഒരു പുതിയ മിനിസ്ട്രീ ആരംഭിക്കണം എന്നാണ് എനിക്കുതോന്നുന്നത്?. അനേക ചര്ച്ചകള്ക്കും ടീമുകള് ഒന്നിച്ചു വന്ന് കൈക്കൊണ്ട പല തീരുമാനങ്ങള്ക്കും ഇത് തുടക്കമായി. പല പടികൾ കടന്ന് ജീസസ് യൂത്തിൽ അങ്ങനെ ടീന്സ് മിനിസ്ട്രീ ആരംഭിച്ചു.
ഈ ഒരു പ്രശ്നം ഉന്നയിച്ചതും തുടര്ന്നുള്ള ചർച്ചകളും തത്ഫലമായുണ്ടായ തീരുമാനങ്ങളും മുന്നേറ്റത്തില് വലിയൊരു കുതിപ്പിനു കാരണമായി. ഒന്നു ചിന്തിച്ചാൽ മുന്നേറ്റത്തിന്റെ മുന്നോട്ടുള്ള പ്രയാണം ജീസസ് യൂത്ത് ഗ്രൂപ്പുകളിലും ടീമുകളിലും എടുക്കുന്ന ഇത്തരം തീരുമാനങ്ങളുടെ പരമ്പരയാണ്. അതുകൊണ്ടുതന്നെ 'എങ്ങനെ' തീരുമാനങ്ങൾ കൈക്കൊള്ളണം എന്ന് ഗ്രൂപ്പുകൾ അറിയേണ്ടത് അതിപ്രധാനമാണ്.
തീരുമാന രീതി വളര്ത്തും അല്ലെങ്കിൽ തളര്ത്തും
മുന്പ് സൂചിപ്പിച്ച പോലെ, ഏതൊരു ഗ്ഗൂപ്പിലും പല തീരുമാനങ്ങള്ക്ക് അവസരമുണ്ടാകും. എന്ത് തീരുമാനിക്കുന്നു എന്നത് പ്രധാനമാണ്, എന്നാൽ എങ്ങനെ തീരുമാനിക്കുന്നു എന്നത് അതിലും പ്രധാനപ്പെട്ടതാണ്. നന്നായി തീരുമാനങ്ങളിലെത്താന് ഒരു സമൂഹത്തിനുണ്ടാകേണ്ട മനോഭാവവും നാം കണ്ടു. യേശുവിന്റെ വാക്കുകളില്, *“ഭൂമിയില് നിങ്ങളില് രണ്ടുപേർ യോജിച്ച് ചോദിക്കുന്ന ഏതുകാര്യവും . . . (മത്താ 18:19).
എളുപ്പത്തില് തീരുമാനങ്ങള് ഉണ്ടാകാന് പല വഴികളുമുണ്ട്. കൂട്ടത്തിലെ മുതിര്ന്ന അല്ലെങ്കിൽ നല്ല കാര്യക്ഷമതയുള്ള ഒരാളുടെ തീരുമാനത്തിനു വിടുകയോ, 'വരങ്ങളുള്ള' ഒരാളോടു പ്രാര്ത്ഥിച്ചു നിര്ദ്ദേശം നല്കാന് പറയുകയോ, ഉന്നത ടീം പറയുന്നതെല്ലാം ചെയ്യുകയോ ഒക്കെ ചെയ്താൽ എല്ലാം സുഗമമാകും. എന്നാല് ഒരു കൂട്ടായ്മ ക്രിസ്തീയ പക്വതയില് വളരാനും, ഉത്തരവാദിത്വം കൈയ്യേല്ക്കാനും, ക്രിസ്തുഗാത്രമായി പടിപടിയായി മുന്നേറാനും ഇപ്പറഞ്ഞ രീതി പോര. കൂട്ടായ്മയിലെ ഓരോവ്യക്തിയും ഏറെ പ്രത്യേകതകളുള്ള ഒരു ദൈവപൈതലാണെന്നു മനസിലാക്കി, അവനും അവളും പ്രത്യേക ദാനങ്ങള് കയ്യാളുന്നുവെന്നു തിരിച്ചറിഞ്ഞ് കര്ത്താവിന്റെ പാതയിൽ ഉത്തരവാദിത്തത്തോടെ മുന്നേറിയെങ്കിലേ ഒരു ഗ്രൂപ്പ് വളരുകയുള്ളൂ. അങ്ങനെയെങ്കിൽ ഓരോ ഗ്രൂപ്പും പക്വമായി തീരുമാനങ്ങളിലെത്താന് പഠിക്കണം. എങ്ങനെയാണ് അവര് തീരുമാനങ്ങൾ കൈക്കൊള്ളേണ്ടത്?
കൂട്ടായ തീരുമാനത്തിന്റെ പടികള്
ഒരു ജീസസ് യൂത്ത് ഗ്രൂപ്പ് എന്നും സ്നേഹകൂട്ടായ്മയാകാനുള്ള വളര്ച്ചാ പാതയിലാണ്. തീരുമാനങ്ങള് കൈക്കൊള്ളല് അങ്ങനെ ഒരു രൂപീകരണ പ്രകീയയും ആയിത്തീരുന്നു. കൂട്ടായ്മയിലുള്ള തീരുമാനങ്ങള് ഒരു യാന്ത്രിക പ്രകിയയല്ലല്ലോ, മറിച്ച് അത് സ്നേഹം
പ്രവര്ത്തിപഥത്തിൽ ആകുന്നത് തന്നെയാണത്. എന്നാൽ പല ക്രിസ്തീയ തീരുമാനങ്ങളും കൈക്കൊള്ളുന്ന വഴിയില് ചില പടികളുണ്ട്. ഉദാഹരണത്തിന്, അപ്പസ്തോല പ്രവര്ത്തനങ്ങളില് ഒരു പ്രധാന സംഘര്ഷത്തിന്റെ പശ്ചാത്തലത്തിൽ ആദിമ സഭ ഒരുമിച്ചു കൂടുന്നു (15:6). പ്രശ്നം അവതരിപ്പിക്കപ്പെടുന്നു, തുടര്ന്ന് വിശദമായ ചര്ച്ച, പരസ്പരവും പിന്നെ കര്ത്താവിനേയും അവര് ശ്രവിക്കുന്നു, അവസാനം ഒരു തീരുമാനത്തിലെത്തുന്നു. തീര്ന്നില്ല, അത് പ്രവര്ത്തിപഥത്തിലെത്തിക്കാന് ചില പ്ലാനുകളും തയ്യാറാക്കുന്നു. അപ്രകാരംതന്നെ ജീസസ് യൂത്ത് ഗ്രൂപ്പുകളിലെ തീരുമാനങ്ങളുടെ പാതയിലെ ചില ചൂണ്ടുപലകകള് നമുക്കും കണ്ടെത്തവുന്നതാണ്.
അപ്പോള് എങ്ങനെയാണ് ഒരു കൂട്ടായ തീരുമാന പ്രക്രിയ മുന്നേറുന്നത്?
1. ഒരു വിഷയം അവതരിപ്പിക്കുന്നു: ഒരു പ്രശ്നമോ നിര്ദ്ദേശമോ ഒരു ആവശ്യമോ ഒക്കെ ആരെങ്കിലും ഗ്രൂപ്പില് പറയുന്നതാണ് ആദ്യപടി.
2. വിശദാംശങ്ങള് കേള്ക്കുക: ആ വിഷയത്തെ സംബന്ധിക്കുന്ന വിവിധകാര്യങ്ങള് കൂട്ടായ്മയില് പങ്കവയ്ക്കുന്നു.
3. ഗ്രൂപ്പ് ചര്ച്ചചെയ്യുന്നു: പലരുടേയും അഭിപ്രായങ്ങൾ കേൾക്കേണ്ട സമയമാണിത്. ഇതിനിടെ തര്ക്കങ്ങളും ഏറ്റുമുട്ടലുകളും ഒക്കെ പ്രതീക്ഷിക്കാം. പഠലോസ്തിഹാ പറയുന്ന പോലെ, “സ്നേഹത്തില് സത്യം പറഞ്ഞ് . . നാം വളരേണ്ടിയിരിക്കുന്നു** (എഫേ 4:15).
4. തിരുമുന്പില് സമര്പ്പിക്കുന്നു; ഇത് വിവിധ രീതികളിലാകാം. വിഷയത്തിന്റെ പ്രത്യേകത അനുസരിച്ച് ചിലപ്പോല് കുറച്ചു നിമിഷങ്ങളിലെ മയനമോ അല്ലെങ്കില് കൂട്ടായ പ്രാര്ത്ഥനയോ ആയിരിക്കും. ചില കാര്യങ്ങള് നാം കുറച്ചു ദിവസമെടുത്തു പ്രാര്ത്ഥിച്ചെന്നുമിരിക്കും.
5, സന്ദേശങ്ങള്ക്കും ഉള്ക്കാഴ്ചകളക്കുമായി ചെവിയോര്ക്കും: ഇത് ആഴത്തിലുള്ള പങ്കവയ്ക്കുലിന്റെ സമയമാണ്. ഗ്രൂപ്പിലുള്ളവര് തങ്ങള്ക്കു ലഭിച്ച സന്ദേശങ്ങള് പങ്കവയ്ക്കുന്നു. പലപ്പോഴും ഈ സമയത്ത് അപ്രതീക്ഷിതമായ ചില വഴിത്തിരിവുകള് ഉണ്ടായെന്നിരിക്കാം. പലരുടെയും ചുവടുമാറ്റത്തിന്റെ സമയവുമാകാം ഇത്.
6. ഒരു തീരുമാനത്തിലെത്തുന്നു: അവസാനമായി നേതൃത്വം വഹിക്കുന്നയാള് ഓരോരുത്തരോടും ഇക്കാര്യത്തെക്കുറിച്ച് ഉള്ളുതുറക്കാന് പറയുന്നു. എല്ലാവര്ക്കും ഓരേ അഭിപ്രായമെങ്കിൽ അത് കൃത്യമായ സൂചനയാണ്. ഈ ഘട്ടത്തിലും വലിയ അഭിപ്രായ വൃത്യാസങ്ങളുണ്ടെങ്കിൽ ചിലപ്പോൾ മുന്തൂക്കം ഏതിനെന്നു നോക്കാം അല്ലെങ്കിൽ തീരുമാനം മാറ്റിവയ്ക്കാം. അപ്പോള് അവസാനതീരുമാനം, *ശരി', “വേണ്ട്, *കുറച്ചുകൂടെ സമയം വേണം' എന്നിങ്ങനെ ഏതെങ്കിലും ഒന്നായിരിക്കും.
7. തുടര് പദ്ധതി ഒരുക്കുക: തീരുമാനം നടപ്പിലാക്കാനുള്ള വഴികളും കൂടെ ചിന്തിക്കണം. പ്ലാനിംഗ് എന്നാല് എന്ത്, ആത്, എപ്പോള്, എങ്ങിനെ എന്നുതുടങ്ങിയ വിശദാംശങ്ങൾ ഒരുക്കുക എന്നതാണ്. ഈ ഘട്ടത്തില് ചിലപ്പോഴെങ്കിലും ഒരു അനുരഞ്ജന നടപടിയും കൂടെ വേണ്ടിവന്നേക്കും. കാരണം ചര്ച്ചകളിലോ തീരുമാനങ്ങളിലോ പലരും മുറിപ്പെട്ടിരിക്കും.
കൂട്ടായ്മയില് തീരുമാനമെടുക്കുക എന്നത് വ്യക്തിവളര്ച്ചയുടേയും കൂട്ടായ്മ കെട്ടിപ്പടുക്കുന്നതിന്റേയും സുന്ദര പാതയാണ്. വി. ഇഗ്നേഷ്യസിന്റെ വാക്കുകള് ഓര്ക്കുന്നത് നല്ലതാണ്, *ആദ്ധ്യാത്മിക കാര്യങ്ങളില് സ്വന്തം രീതികള് പിൻചെല്ലാൻ മറ്റുള്ളവരെ നിര്ബന്ധിക്കുന്നതിനേക്കാൾ വലിയ അബദ്ധമില്ല'*. വിശുദ്ധിയിലും നിസ്വാര്ത്ഥതയിലുമുള്ള നമ്മുടെ മുന്നേറ്റത്തിൽ “കോപവും” *ഭയവും' ഒഴിവാക്കി ഹൃദയത്തിന്റെ അഗാധതയില് നിന്ന് “അവന് വളരുകയും ഞാന് കുറയുകയും വേണം (യോഹ. 3:30) എന്നു പറയാന് പഠിക്കുന്ന സമയങ്ങളാണ് പലപ്പോഴും സംഘാത തീരുമാനങ്ങള്.
Comments
Post a Comment